Pepaccur/Pepaccogh/Wawancan merupakan salah satu bentuk kesenian Lampung, terutama seni sastra. Pepaccur/Pepaccogh/Wawancan biasanya dibacakan pada saat upacara adat seperti perkawinan dan khitanan.  Pepaccur/Pepaccogh/Wawancan  adalah seni sastra / puisi berisi nasihat, harapan, petunjuk, pemberian adok atau gelar yang diucapkan dalam bahasa Lampung.  Istilah pepaccur dikenal di lingkungan masyarakat Lampung dialek O. Di lingkungan masyarakat Lampung dialek A dikenal dengan istilah pepaccogh (di lingkungan masyarakat Lampung dialek A Sebatin dikenal dengan istilah wawancan).Pepaccur/Pepaccogh/Wawancan disampaikan oleh orang yang ahli dan dapat melagukan sesuai dengan iramanya.  Pepaccur/Pepaccogh/Wawancan  memiliki ciri-ciri sebagai berikut :

             1.      Tidak ada pembukaan

             2.      Berisikan nasihat

             3.      Memiliki pola ab ab, abcd, abc abc

 4.      Dapat dilakukan dimana sajabagi yang memerlukan nasihat.

  5.     Terdiri atas sejumlah bait dan setiap bait terdiri atas empat atau enam baris. Jumlah bait tergantung pada sedikit atau banyaknya pesan yang

          disampaikan.

Berikut ini adalah contoh Pepaccur/Pepaccogh/Wawancan :

Kaluba Anak Dakhaka

Karya : Hafizi Hasan

Bismillah babakh kata

Salam pembukaan ni

Mahap pun ngalimpukha

Sauyin ahli wakhi

Anjo huwakhan wakhca

Ngebakh cawa bukheti

Kham imat jama jama

Kalau wat faidah ni

Mula wat babakh wakhca

Ngawawancan basa ni

Tangkai seni budaya

Sai pakhlu kham tikali

Wawasan nusantakha

Kaya budaya seni

Kedau kham jama- jama

Patut ni kham tikaji

Khena hani kidah pun….

Assalamualaikum…

Tabikpun nabik tabik

Sikindua jog anta

Haga bubalah cutik

Anjo jenong cakhita

Mahap jama pengunjung

Sai unyin si wat dija

Cakhita khayat Lampung

Kissah sanak dakhaka

Asal nulani kissah

Delom pekon ni da a

Tian epak muanak

Bulamban akhi siwa

Hokhek sesot malakhat

Miskin dihakhta banda

Kanik pakai masakat

Titedos puhahada

Si bapak mak kawawa

Emak santokh buhaban

Anak tuha Kaluba

Makhanai tanggung pinsan

Anak papah ni sia

Jadi jakhagan lamban

Dikeni gelakh maya

Wangga ni sikop nihan

Khena hani kidah pun…..

Timbul  delom pekekhan

Hani anak sai tuha

Sejakh yu pangalaman

Haga Mandau mit kota

Tepik yu niku lamban

Tangguh di hulun tuha

Niat ngetok ko badan

Sina khadu kahaga

Api cawa sai tuha

Bubiti dali miwang

Wai di pepik mata

Nyesoli dikhi malang

Lapah niku Kaluba

Kakalau Kabul du’a

Sina sangu ni badan

Payu hani kidah pun….

Khadu wat ngitung bulan

Kaluba lapah midang

Emak santokh buhaban

Satiakh sakhba kukhang

Khadu bagi jak tuhan

Titulak kia pantang

Haban mak katulungan

Emak ni laju mulang

Tinggal ya tian khua

Nunggu kan ni emak mulang

Anak sai nomokh khua

Sai ngukhus ko lamban

Payu nasib mo Maya

Hakhuk  jauh jak abang

Nguyun ko hulun tuha

Segala skhba kukhang

Khena hani kidah pun ….

Ganti balin cakhita

Moloh sai lapah midang

Mojokh nasib Kaluba 

 Di khantau kena incang

Ungaian jakhma kaya

Ya jadi pamantauan

Ngukhus ko hakhta banda

Kebun katutuk lamban

Khingkas ni kissah sinji

Kaluba hokhek senang

Bulamban khek Jalusi

Bahagia kasih sayang

Kidang sina mak beni

Gelakh bakhang titipan

Sangun salah ulah ni

Ya lupa asal badan

Temon hani kidah pun …..

Kissah ni debi khani

Mejong di tundan lamban

Di Tanya ko Jalusi

Sapa asal ni badan

Sapa bapak mo hani

Emak sakhta kamaman

Kuti pikha muakhi

Dipa sungi jenganan

Keluba anggun dikhi

Tetop alas jawaban

Muat ngedok puakhi

Kaminan khek kamaman

Emak bapak mak lagi

Khadu ninggal dunia

Liom jama Jalusi

Hulun tuha ni hina

Jalusi sangun niat

Butanya dali nguji

Bukti ni delom sukhat

Di takhima Jalusi

Nyawako sangun wat

Hulun tuha puakhi

Hokhek miskin malakhat

Di pekon jauh dudi

Temon kodo kidah pun….

Kisah di pekon da’a

Bukimas lalepitan

Khancaka haga tungga

Anggop lapah jak lamban

Butangguh jama Maya

Api lohot titipan

Jama abang Kaluba

Sai khadu hokhek senang

Ngajawab dali lalang

Salam jak ading Maya

Sampai ko jama abang

Tilaju mid di kaka

Ki wat kawai gakhdang

Pakakas usang saka

Usung ki bapak mulang

Sejakh sibuhan Maya

Bukhengkos lapah midang

Tujuan haga tungga

Tinggal Maya di lamban

Bukilu khek badu’a

Jaga betik jenganan

Sina lohot sai tuha

Keselamatan ni badan

Imat dang hada- hada

Khena hani kidah pun…..

Sampai ni hakhungan

Patut ni di takhima

Di anak pamantuan

Kaluba nedos cawa

Panjak waya bidian

Liak jak pedik mata

Hakhap sambuk mahapan

Tanda saka mak tungga

Teduh jauh panyana

Si tanghalu ni badan

Tikham wi lain hada

Bang mawat kadolokhan

Sambuk an hada – hada

Tisimbin di halunan

Dawah dikayun kakhja

Anggop bayakhan mengan

Sakik hani kidah pun….

Togok hitungan bulan

Cukup bilangan khani

Nedos hati mak tahan

Anggop haga bulinsi

Nengah jadi lantakhan

Bubangkil bidang khani

Mak kena cawa hatang

Ngedudu tengah bingi

Di khani cakak tegi

Ku teduh lamban sakhan

Geluk ku akuk mi

Nganik tikhah hampokhan

Betoh mahu ti bidi

Saking khabai ni badan

Mula mak mengan pagi

Geluk nyapak kakhja an

Saki hani kidah pun….

Mi cakak di pujuk an

Betoh mangkung ka uji

Gagetai khasa badan

Ngadengis cawa beji

Kaluba kabanian

Sampai ya lupa dikhi

Ngahejak ngosekh pinsan

Malih geluk balinsi

Tisantak takhu mengan

Luh gogokh mak kakhasa

Sakik lain bitian

Haga malih nyak kheppa

Kutimbal dali miwang

Mati puas anakku

Sanginah khadu senang

Lupa hulun tuha mu

Khena hani kidah pun…..

Nimbal di anggap salah

Bulinsi lagi hani

Ngajimpang salah langkah

Ngiwak ko pajang mi

Lailahaillallah

Mati sakik khasa ni

Mak ukhung tabokh khah

Hulu kekah tebong ni

Nyalingakh hani kidah pun….

Puakhi saunyin ni

Kaminan khek kamaman

Sai tuha si ngukha ni

Kham pakhda nyakhunyaman

Kisah anak dakhaka

Kisah tumbai sakeji

Sina gelakh umpama

Kacang lupa bawak ni

Tamat pai niku kata

Sambungan nunggu dukhi

Cakhita antak ija

Kakalau wat guna ni

Tabik yu ngalimpukha

Kantu wat salah kaji

Mahap bukhibu basa

Sikindua undukh dikhi

Daftar Pustaka :

Firmansyah, Junaidi, dkk. 1996. Mengenal Kesenian Daerah Lampung. Cetakan Pertama. Gunung Pesagi: Bandar Lampung 

http://wikipedia.com