Sumatera Barat sangat kaya dengan budaya-budaya khasnya, salah satunya yaitu Pasambahan. Pasambahan adalah sebuah pidato adat yang dilakukan oleh niniak mamak, sumando dan pemuda Minangkabau secara bergantian dan saling berbalas dalam suatu perhelatan seperti pernikahan, batagak pangulu dan baralek gadang. Pasambahan ini biasanya dilakukan sebelum menyantap hidangan yang telah disediakan dalam acara baralek tersebut. Bisa dianggap Pasambahan ini seperti basa basi antara niniak mamak atau yang juga disebut sipangka dengan urang sumando yang juga disebut sialek. 'Pasambahan ka makan' ini bisa berlangsung antara 45 menit sampai 90 menit, tergantung dari situasi dan kondisi. Sebelum melakukan pasambahan ka makan ini, biasanya dalam baralek pernikahan, menjelang pengantin laki-laki datang, juga diadakan serangkaian iring-iringan menggunakan alat musik rebana. Pasambahan ka makan ini juga disebut Panitahan. 

Pasambahan juga salah satu bentuk karya sastra minangkabau. Pasambahan itu mengandung makna yang dalam.Dia terhimpun didalam ungkapan ,petatah petitih ,dan mamangan. Dia terdiri atas kata-kata berkias ,beribarat,dan berumpama. Untuk mendapatkan makna yang ada didalamnya, diperlukan pemahaman yang mendalam. Selain itu, untuk memahaminya diperlukan sejumlah pengetahuan tentang minangkabau.Pengetahuan dasar yang diperlukan untuk memahami pasambahan itu ialah budaya minangkabau, bahasa minang kabau, dan makna kiasan ungkapan minangkabau. Tanpa memiliki pengetahuan dasar itu akan sulit mengungkapkan makna dari pasambahan itu sendiri. 

Berikut adalah salah satu pasambahan singkat dalam perundingan : 

Sialek : Datuak Kayo , pasambahan tibo ka bakeh Datuak !

Sipangka : Sambah di Allah, manitahlah Datuak

Sialek : Sambah nan ditibokan titah nan diantakan, nak sarapeknyolah niniak jo mamak, sifat tahalia di ateh rumah nangko, usah kadibilang kadiatap gala, aratinyo sambah sajo dimuliakan, kapambilang paatap gala, laikoh tampat samparono sambah tibo ka bakeh Datuak ?

Sipangka : Manitahlah Datuak

Sialek : Sambah na ditibokan titah nan diantakan, maagak di hari nan kapatang, sirieh nan sacabiak pinang nan bagatok, dihadapan karib jo kabiah, ipar jo bisan, korong jo kampuang, sakarang alah bahadiri. Baapo di hari nan sahari nangko, janjang batingkek bandua batapuak, duduak sahamparan tagak saedaran, manimbang sapanjang adat mangaji sapanjang alua, alah ciek jo duo, duo jo tigo, alah banamo basalasai. picak nan satapiak bulek nan sagiliang, adat nan sapakai, karib jo kabieh alah batamu, anak jo bapak alah basuo, duduak bahadapan tagak batantangan, maisok santo jo daun, duduak nak baiyo tagak nak bamuah, sakian sambah diantakan kahadapan Datuak.

Sipangka : Lah sampai di Datuak ? Maagak-i rundiangan Datuak nan ka tangah, sunat kato dek baulangpasa jalan dek batampuah, buah panitahan Datuak nan kahambo ulang. Sambah manyambah dipulangkan kapado Allah, kato sajo dipakatokan, apolah nan jadi buah kato Datuak cako, maagak di hari nan dahulu, sirieh nan sacabiak pinang nan bagatok, dihadapan karib jo kabiah, ipar jo bisan, nak mahadiri pakarajaan nangko. Baapo di hari nan sahari nangko, janjang batingkek bandua batapuak, duduak sahamparan tagak saedaran, manimbang sapanjang adat mangaji sapanjang alua, alah ciek jo duo, duo jo tigo, alah bananmo basalasai. Tumbuah nan bak banyieh tabik nan bak padi, tabik di sirieh nan bacabiak di pinang nan bagatok, karib jo kabieh lah batamu, anak jo bapak lah basuo duduak bahadapan tagak saedaran, maisok santo jo daun, duduak nak baiyo tagak nak bamuah, kan baitu bana buah panitahan Datuak ?

Sialek : Iyo bana.

Sipangka : Datuak Rajo Intan, sapanjang buah panitahan Datuak nan ka tangah, lamak bak raso santan manih bak raso tangguli, tapi sungguahpun baitu, elok kato jo mupakat, lamak kato dipakatokan, hambo bawo kato jo mupakat, saba Datuak jo panitahan, laikoh dalam adat nan bapakai, dalam cupak nan baisi, kan baitu Datuak ?

Sialek : Sampai  Datuak ? Sapanjang buah panitahan Datuak nan ka tangah, kok didanga alah babunyi dipandang alah barupo, ka ateh samo sapucuak kabawah samo saurek. Limbak nan daripado itu, duduak nan samo sahamparan tagak nan samo saedaran, hambo bawo kato jo mupakat, kan baitu bana buah panitahan Datuak ?

Sipangka : Iyo bana.

Sialek : Tibonyo lah dalam adat nan bapakai, dalam cupak nan baiisi, kato dibawo jo mupakat, Datuak. Sipangka : Kok baitu saba mananti, Datuak ?

Sialek : Sakiro-kiro Datuak Kayo membawa kata mupakat dengan ninik mamak, alim ulama, cerdik pandai dan orang patut-patut yang hadir dalam pertemuan itu. Setelah didapatkan kata mupakat itu, rundingan dikembalikan lagi kepada Datuak Kayo Intan.

Sipangka : Datuak Rajo Intan, di hari nan cako Datuak saba jo panitahan, hambo mambawo kato jo mupakat, jo nan duduak sahamparan nan tagak saedaran, picak nan satapiak bulek nan sagiliang, adat nan sapakai, sabuah kato lah dipakatokan, labiah bak maisok santo jo daun, itulah bana nan hambo antakan bakeh Datuak.

Sialek : Sampai Datuak ? Di hari nan cako hambo saba jo panitahan, Datuak marenjeng kato jo mupakat, jo nan duduak sahamparan tagak saedaran, picak nan satapiak bulek nan sagiliang, adat nan sapakai, sabuah kato lah dipakatokan, labiah bak maisok santo jo daun, kan baitu bana buah panitahan Datuak ?

Sipangka : Ka ateh lah samo sapucuak, ka bawah lah samo saurek, nan kito baapo Datuak ?

Sialek : Nan kito elok babateh.

Sipangka : Iyo ma Datuak, dahulu kato basitinah, kamudian kato basicapek, iyo capek tibonyo bakeh Datuak. Kacapekkan tibonyo bakeh Datuak, maagak rundiangan kito cako, alah ciek jo duo, duo jo tigo, alah banamo basalasai. Sungguahpun bak raso basalasai, tumbuah nan bak banyiah tabik nan bak padi, sirieh naiak carano ka tangah, sirieh kami nan mintak Datuak kunyah, itu bana diantakan ka hadapan Datuak.

Sialek : Sampai Datuak ? Sunat kato dek baulang, pasa jalan dek batampuah, buah panitahan Datuak nan ka hambo ulang. Apolah nan jadi buah panitahan Datuak, ka ateh taambun jantan, ka bawah takasiak bulan, lamak bak raso santan manih bak raso tangguli, tumbuah nan bak banyiah tabik nan bak padi, sirieh naiak carano ka tangah, sirieh kami nan mintak Datuak kunyah, kan baitu bana jinih buah panitahan Datuak ?

Sipangka : Iyo ma Datuak ? sapanjang rundiangan Datuak nan ka tangah, bulek lah bulieh digolekkan picak lah buliah dilayangkan, tapi sungguahpun baitu, lamak sirieh lega carano, lamak kato lega bunyi, lamak lauak dek pamasak, elok kato jo mupakat, saba Datuak jo panitahan. Laikoh dalam adat lamo pusako usang kan baitu Datuak ?

Sipangka : Kok itu lah bana. Datuak rajo Intan membawa kata mupakat.

Sialek : Ma Datuak Kayo, di hari nan cako Datuak saba jo panitahan, hambo mambawo kato jo mupakat, jo nan duduak sahamparan tagak saedaran, sapanjang parmintaan Datuak nan ka tangah, pintak buliah kahandak balaku, sabuah kato lah sipakatokan, labiah bak mangunyah sirieh jo pinang itulah bana diantakan ka Datuak.

Sipangka : Sampai Datuak ? Kok hilia lah sarangkuah dayuang, mudiak lah satimbang galah, nan kito baapo Datuak ?

Sialek : Nan kito rancak babateh.

Referensi sumber : 

http://yn66.blogspot.com/2010/01/pengertian-alur-pasambahan-dan-pidato.html

https://jomboker.blogspot.com/2014/10/makna-dan-pidato-adat-minangkabau.html

#OSKMITB2018