Tanjung Marthafonz » Budaya Indonesia

DATA

Kategori

Cerita Rakyat

Elemen Budaya

Cerita Rakyat

Provinsi

Maluku

Asal Daerah

Ambon

Tanjung Marthafonz

Tanggal 03 Aug 2014 oleh Gerryreyaan reyaan.

Ada satu Desa di jazirah Baguala namanya Desa Poka, biasa orang bilang akakng Desa Poka-Rumah Tiga. Dolo di Desa ini tinggal satu keluarga yang sangat sederhana tapi dong hidup bahagia.

Kepala keluarga nama Bapa Bram antua pung kerja sebagai petani dan biasa panggayo parau bawa orang dari Poka Rumah Tiga ke Galala pulang pergi, sedangkan antua pung bini nama mama Mina, mama Mina ini cantik, rajin deng ada karja par bantu-bantu Bapa Bram par tambah penghasilan keluarga yaitu dengan cara bakar sagu.

Bapa Bram deng mama Mina pung satu orang anak paranmpuang yang paling cantik, saat itu anak itu berusia 16 tahun. Anak itu pung nama Martha, kulit itam manis, rambut pata mayang panjang taure sampe di bitis kaki.

Suatu sore abis mama Mina bakar sagu, biasanya nona Martha bajalang jual par orang-orang

disekitar Desa Poka, dia selalu pakai baju cele merah muda, konde boch yang cantik, sagu taruh di atas dulang. Martha keku di kepala lalu bajalang jual sagu.

Nona Martha bajalang kaluar masu lorong-lorong sambil bataria.

Sagu, tante bali sagu. Sagu.....sagu bali sagu kaseng.

Nona Martha biasanya bajual lewat di muka barak/asrama tentara Portugis akang pung tampa seng jauh dari tampa ferry sekarang.

Satu kali bagini sore-sore nona Martha bajalang jual sagu di muka barak/asrama tentara Portugis lai sama biasa Martha bataria sagu.......sagu beli sagu.....ehh...Martha kaget, Martha takajo barang di muka Martha su badiri seorang laki-laki gagah nih.....tentara Portugis.

Tentara tu pung dalang hati, cantik sakali yaa...

Hari datang hari, bulang ganti bulang nona Martha tetap tekun tarus deng pekerjaan jual sagu.

Suatu hari bagini sama biasa Martha bajalang jual sagu bajalang lewat muka asrama tentara Portugis lai sambil mulai bataria sagu....sagu.....

ehh...Martha kaget lai skrek paskali karna tiba-tiba dengar suara dari dalang asrama bataria “sagu...sagu...sagu...sini !!!”

Martha deng langkah paparipi iko suara tadi, tapi Martha paling taku barang mau masu dalang asrama nih...ehh laki-laki itu kasih dia pung tangang dalam hati beta, oh...dia mau cari kanal “saya Alfonzo nona nama siapa..?” ...saya Martha..

wah !!! kamu cantik sekali Martha...

Martha pung jantong ta pukol, taku ni....

seng tahang lai Martha tanya, tuan panggil saya mau bali sagu kan...?,

tapi...mengapa tuan seng beli?....beta mau pi jua....

”ya nona Martha sagunya saya beli semuanya ya...”

Nona Martha iya...iya.

Persis tentara tu bayar sagu Martha bilang dangke banya tuan, lalu Martha minta permisi pulang.

Tentara bilang :ya nona Martha besok datang lagi ya..”

Sambil jawab ia...ia...nona Martha setengah lari cepat-cepat bajalang kastinggal barak/asrama tentara itu.

Alfonzo adalah komandan tentara Portugis yang tugas di Ambon. Portugis menjajah Indonesia waktu itu dari taong 1569-1571.

Pas sampe di rumah mama Mina su badiri di muka pintu tunggu Martha deng sanang hati barang mama Mina lia dulang su kosong, sagu su laku ni...

Kaget mama Mina lia Martha pucat paskali, mama Mina sapu-sapu Martha pung bahu, sambil tanya “ayo ana Martha se kanapa ni...........ana ......se mau bilang apa par mama apa yang su terjadi par se lai, bilang par mama jua”

Bagini ma... tadi waktu beta bajual sagu di muka asrama ka barak tentara Portugis tu ada tentara satu panggel, dia bilang dia mau balu sagu. Sampe kasana akang tentara tu seng langsung ambil sagu, mar dia kasih tangang par bakukanal deng beta

“lalu ana.....lalu dia nama sapa....”

ia pung nama Alfonzo ma.....mama dia paleng bae........dia bayar sagu samua la beta pulang.....”

ohh, itukan Cuma baku kanal saja kata mama Mina.

Beberapa hari lai Martha bajual sama biasa lewat di muka asrama sambil bataria sagu...sagu...bali sagu kaseng.....

Eh Martha kaget dia seng sangka kalo yang badiri di muka Martha ....ni... Alfonzo persis Martha mau lari.....tapi alfonso su pegang dulang sagu.

Alfonzo bawa Martha masu dalang asrama di..... Alfonzo pung tampa tinggal.

Martha bilang jang tuang.....beta taku

“kamu jangan takut Martha, saya akan bayar semua sagu yang kamu jual”.

Alfonzo bilang “Martha saya ingin bersahabat dengan kamu, maukah kamu bersahabat dengan saya?...

Boleh tuang boleh sambil mengangguk kepalanya.

Bulan berganti bulan datang taong. Martha su umur 17 tahun.

Martha deng Alfonzo lebih hari lebih dekat su sama sepasang kekasih...........

dong dua su batunangang sambunyi-sambunyi mar Bapa Bram dengn mama Mina su dapa tau Martha deng Alfonzo pung hubungan.

Bapa Bram seng setuju.

Tapi Alfonzo berani saja datang ke rumah Bapa Bram deng mama Mina minta Martha par mau kaweng.

Bapa Bram bilang par Alfonzo “sabar Martha masi muda tunggu sampa Martha umur 19 tahun jua”.

Alfonzo tetap sabar saja Martha bajual sagu sama biasa tapi begitu Martha bajual sampe di asrama alfonzo panggil langsung alfonzo kasih harga sagu lalu dong dua dudu bacarita sa. Martha takser su waktu par mau pulang, Martha pulang.

Suatu hari bagini kabar datang dari Batavia tepat tahun 1571, Portugis ditarik mundur.

Cita-cita tinggal cita-cita kini nasib berkata laeng tentara Portugis dari Ambon harus menuju Batavia. Kapal prang Portugis su balabu di pantai Poka tampa ferry sakarang ini.

Perpisahan harus terjadi Martha deng Alfonzo badiri baku polo Martha manangis kasiang-kasiang.

Sambil polo Martha, Alfonzo bilang “sabar ya...tunggu saya Martha saya akan kembali mengambil Martha sebagai istri saya..........Tunggu saya kembali di Ambon ya Martha “

Martha cuma angguk-angguk kepala saja.

Pasukan tentara satu abis satu naik ke kapal. Alfonzo peluk Martha satu kali lai...

lalu Alfonzo naik ke kapal, dia naik paling belakang karna Alfonzo komandan palaton.

Sampe di atas kapal Alfonzo bataria “Martha tunggu saya ya”

kapal stom 3 kali Martha ambil lengso putih Martha kipas sambil bataria Alfonzo....Alfonzo.....Alfonzo....

Martha seng tahang lai sambil manangis Martha buang badang lalu baranang Alfonzo lihat Martha su masu ka laut deng Alfonzo buang badang lai.

Kabar sampe ke Bapa Bram, Martha pung papa bahwa, Martha su buang badang ka laut karna Alfonzo.

Bapa Bram deng mama Mina tunggu di pante mangkali Martha timbol pada hal seng.

Bapa Bram panggel orang-orang par bantu panggayo deng Bapa Bram cari Martha.

Tapi sia-sia belaka kedua kekasih itu ilang di dalam laut sampe tadi ni.

Tampa dong dua tinggalang itu akang pung nama “ Tanjung Marthafonz ” gabungan dari nama dua kekasih Martha dan alfonzo.

DISKUSI

Silahkan masuk untuk berdiskusi.

TERBARU

Ulos Jugia

Oleh Zendratoteam | 14 Dec 2024.
Ulos

ULOS JUGIA Ulos Jugia disebut juga sebagai " Ulos na so ra pipot " atau pinunsaan. Biasanya adalah ulos "Homitan" yang disimp...

Tradisi Sekaten...

Oleh Journalaksa | 29 Oct 2024.
Tradisi Sekaten Surakarta

Masyarakat merupakan kesatuan hidup dari makhluk-makhluk manusia saling terikat oleh suatu sistem adat istiadat (Koentjaraningrat, 1996: 100). Masyar...

Seni Tari di Ci...

Oleh Aniasalsabila | 22 Oct 2024.
Seni Tari Banyumasan

Seni tari merupakan salah satu bentuk warisan budaya yang memiliki peran penting dalam kehidupan masyarakat Cilacap. Tari-tarian tradisional yang ber...

Wayang Banyumas...

Oleh Aniasalsabila | 22 Oct 2024.
Wayang Banyumasan

Wayang merupakan salah satu warisan budaya tak benda Indonesia yang memiliki akar dalam sejarah dan tradisi Jawa. Sebagai seni pertunjukan, wayang te...

Ekspresi Muda K...

Oleh Journalaksa | 19 Oct 2024.
Ekspresi Muda Kota

Perkembangan teknologi yang semakin pesat tidak hanya ditemui pada bidang informasi, komunikasi, transportasi, konstruksi, pendidikan, atau kesehatan...

FITUR

Gambus

Oleh agus deden | 21 Jun 2012.
Alat Musik

Gambus Melayu Riau adalah salah satu jenis instrumental musik tradisional yang terdapat hampir di seluruh kawasan Melayu.Pergeseran nilai spiritual...