Akkio Bunting adalah semacam pentun berbalasan yang dipakai oleh sipengantar penganti dengan penjemput pengantin yang ada di sulawesi selatan tepatnya suku makassar. pertunjukan ini semacam hiburan yang digunakan oleh masyarakat takalar untuk memeriahkan pesta yang sedang berlangsung sekaligus mempunyai makna dan nilai filosofis yang terkandung dalam syair akkio bunting tersebut.  Berikut syair akkio bunting yang saya dapati, 

Akkio Bunting

Iadende-iadende nia tojengmi deng bunting…

Bunting salloa ku tayang

Salloa kuminasai

Ku kanroa ri nabbia

Ku palaka ri bataraya

Kuminasaiya bunting

Nama bunting tojeng todong

Nampako ri ujung borikku deng bunting…

Ri cappa pa~rasangangku

Na ku tewa-tewako guru

Kuminasaiko sunggu ri ka issilangngang

Ipantarang emba injako pole deng bunting…

Ri boko pangngala~ injako

Na kuruppaiko jama~

Ku buntuliko agama

Naki tulusukmo antama deng bunting…

Ri cappa bangkeng tukatta

Tuka~ ni anronga bang

Ni coccorongia kama~

Ni bariangngi paddoangang patampulo

Nampa tulusukki naik deng bunting…

Ri paladang fatihanu

Ni rinringa pangngumpu

Ni belo-belo ruku~

Ni jajari sami allah

Ni jaling su~ju

Ni dasere empo tahiya

Annyungke tommaki anne pole deng bunting…

Pakkebbu ni bari sallang

Annussu tommaki pole

timungang puji-pujiang

Nampa tulusukko antama deng bunting…

Ri kale balla lomponu

Nu mammempo ri tappere gauk assanu

Nu mammangjeng

Ri benteng katarimannu

Antali-tali kitta~nu

Angngapeliki barasangjinu

Nubbali empomo sallang deng bunting…

Ana~ guru sarapa~nu

Nuttutu sulengkamo pole

Ana~  Guru santarinu

Sallo-salloko ammempo deng bunting…

Nia tommi daeng ngimang

Wakkele~na tuang kali

Ana~ ilalang makkaya

Tau langnyinga junnu~na

Tau tangkasaka satinjana

Tau assaya gau~na

Ni tarimaya paddoanganna

Ri karaeng allah ta~ala

Na nitunuang mako anne deng bunting…

Kanjoli tai baninu

Nani parumbumo pole

Dupa kamangnyang te~ne nu

Nampa ni nikka ko iya deng bunting…

Ri dallekanna ada~ tumapparentanu

Gallarrang pa~rasangannu

Sakbinna kalabinenu

Eronna amma~na

Samaturu~na manggena

Na punna le~bakko a~nikka deng bunting…

Nani erang mako antama

Ri bili~ ka issilangngang

Ri pa~lungang sunduseng

Ri tappere istabaraking

Ampabattui nikkanu

Ri baine la~biri~nu

Na punna nu cini sallang deng bunting…

Baine la~biri~nu

Na roko pakeang

Na tammu pa~belo-belo

Sanrapang mami sallang

Ana~-ana~ bidadari ri suruga

Na sossong pale

Na tinriang wari-wari

Ka pappasang deng bunting…

Pale mammingkung bangngi

Na katumbangngangi sallang

Rinring  tumattoa~nu

Na katepokangi sallang

Pallangga tu mammujinu

Manna ilaukko kau deng bunting…

Manna irayako

Manna ilalangko attangnga

Ikauji kunjung ni toa

Ata karaeng mangngai

Mammuji ngaseng

Na sba~ allah ta~ala

Bunting ta bunting nai ngasemmaki mae

Nara sumber : Dg Temba

Pekerjaan : Security PG. Takalar

Umur : 49 Tahun

Tanggal penyalinan : 10 Juli 2009

Bahan : Kertas salinan d tulis latin Makassar